क्राईम

उत्तरकार्यास जाताना दुचाकी घसरून महिला जागीच ठार

यावल – काकाच्या उत्तरकार्याच्या कार्यक्रमास जातांना दुचाकी घसरून झालेल्या अपघातात मागे बसलेल्या पत्नीचा मृत्यू झाल्याची दुर्दैवी घटना आज सकाळी पाडळसा ता.यावल येथील पाटचारी जवळ घडली.
याबाबत सविस्तर वृत्त असे की विवरे ता. रावेर येथील रहिवासी गणेश भागवत राणे (वय ४६) रा. विवरे ता. रावेर हे गुरूवारी दुचाकीव्दारे जळगाव येथे त्यांच्या काकाचे उत्तरकार्य असल्याने पत्नी तृप्ती राणे (वय ३६) यांना सोबत घेवून जात होते. दरम्यान आज सकाळी साडे आठ वाजेच्या सुमारास फैजपूर–भुसावळ रस्त्यावर पाडळसा ता. यावल येथील पाटचारी जवळ त्यांची दुचाकी घसरली व त्यात त्यांची पत्नी तृप्ती राणे यांना डोक्याला जबर दुखापत झाली तर गणेश राणेे यांना देखील हाता-पायाला जबर दुखापत झाली. घटनास्थळावरून दोघांना तात्काळ भुसावळ येथे गिरजा हॉस्पिटल व नंतर खाजगी रूग्णालयात उपचार्थ दाखल करण्यात आले मात्र उपचारापुर्वीचं तृप्ती राणे यांचा मृत्यू झाला. तृप्ती राणे यांचा मृतदेह यावल ग्रामिण रूग्णालयात आणण्यात आला. तिथे वैद्यकिय अधिकारी डॉ.पी. बी. बारेला यांनी मृतदेहाचे शवविच्छेदन केले.या अपघात प्रकरणी फैजपूर पोलिसात अपघाताची नोंद करण्यात आलेली आहे.तृप्ती राणे यांच्या अशा अपघातील निधनामुळे सर्वत्र हळहळ व्यक्त केली जात आहे. अपघाताची वृत्त समजताचं राणे यांचे नातेेवाईक व हितचिंतकांनी यावल ग्रामिण रूग्णालयात गर्दी केली होती.

Show More

Related Articles

Back to top button
error: Content is protected !!
Close
Close

Adblock Detected

Its Sorry to say Please help to stop adblock and disable it Please.