आरोग्य

भुसावळातील नागरीकांना दर्जेदार सुविधा देण्यास प्रयत्नशील- मुख्याधिकारी

दि-14/08/2020 भुसावळ शहरातील नागरिकांना होणाऱ्या अडचणींचा सखोल अभ्यास करून नागरिकांना होणाऱ्या समस्यांचे निराकरण करण्यात येईल तसेच नागरिकांनी सध्या कोरोनाचा प्रादुर्भाव वाढत असल्याने नगरपरिषदेचे कर्मचारी अहोरात्र यासाठी प्रयत्न करताना दिसून येत आहे. तसेच भुसावळ नगरपरिषदेच्या आणि शहरातील इतर कोव्हिड रूग्णालयांमध्ये रूग्णांवर योग्य पद्धतीने उपचार केले जात असून नागरिकांनी कोरोनाची लक्षणे आढळून आल्यास आजाराकडे दुर्लक्ष न करता कोरोनाची चाचणी करून घ्यावी अशी कडकडीची विनंती नव्याने रूजू झालेले मुख्याधिकारी संदीप चित्रवार यांनी भुसावळकर जनतेला केलेले आहे.
सध्या पावसाळा जोरात सुरू असल्याने शहरातील मुख्य रस्त्यांवर अनेक ठिकाणी मोठमोठे खड्डे पडलेले आहेत , तसेच अमृत योजनेच्या पाईपलाईनच्या खोदकामामुळे अनेक ठिकाणी रस्त्यांची अवस्था दयनीय झालेली दिसून येत आहे. यामुळे अनेक वाहनधारकांना कमरेचे व मानेच्या मणक्यांचे विकार जडत असल्याने नागरिकांमधून संताप व्यक्त होत आहे.अशा सर्व खराब झालेल्या रस्त्यांवर मुरूम टाकून डागडुजी करण्यात येणार असून याबाबत लवकरच निर्णय घेण्यात येणार आहे. तसेच हतनूर धरणाच्या विसर्गामुळे शहरात गाळयुक्त पाणी येत आहे.तसेच काही ठिकाणी दूषित पाणीपुरवठा होत असल्याने चित्र दिसून येत आहे. यावर नगरपरिषदेच्या सर्वसाधारण सभेमध्ये चर्चा करण्यात येऊन सर्वांच्या सहकार्याने लवकरच योग्य निर्णय घेण्यात येणार असून नागरिकांना चांगल्या दर्जेदार सुविधा देण्यासाठी प्रयत्नशील राहू अशी ग्वाही नवीन मुख्याधिकारी संदीप चित्रवार यांनी “मिडिया मेल” न्युजशी बोलताना दिलेली आहे.यावेळी निवडक पत्रकारांच्या वतीने मुख्याधिकारी साहेबांचा सत्कार करण्यात आला.
Show More

Related Articles

Back to top button
error: Content is protected !!
Close
Close

Adblock Detected

Its Sorry to say Please help to stop adblock and disable it Please.