राजकीय

शरद पवार -अमित शाह यांच्यात भेट व चर्चेच्या शक्यतेने राज्यात खळबळ

मुंबई दि-28 महाराष्ट्रात 100 कोटींचे कथीत वसुली प्रकरण , बदल्याच्या नावाखाली लाचखोरी आणि 100 विकासाच्या प्रश्नांनी घेरलेल्या सरकारवर विरोधी पक्ष दबाव वाढवत आहे.
राजकीय तज्ज्ञांच्या मते, राज्यात राष्ट्रपती राजवट आणण्याचा सापळा जवळजवळ पडून आहे.
2 मे रोजी पश्चिम बंगालसह पाच राज्यांत विधानसभा निवडणुकीचा निकाल जाहीर झाल्यानंतर भाजप कायदा व सुव्यवस्था आणण्याचा प्रयत्न करीत आहे.

तज्ज्ञांच्या मते, यामुळेच भाजप सतत विविध प्रश्न उपस्थित करीत असून राज्यात कायदा व सुव्यवस्थेचे वातावरण तयार करण्याची तयारी करत आहे.

प्लॕन “A” अयशस्वी झाल्यानंतर राष्ट्रपती राजवट लागू ?

विश्वसनीय सूत्रांच्या माहिती नुसार खरं तर, भाजपाचा प्लॕन “A” म्हणजेच अजितदादांना पुन्हा भाजप सोबत घेण्याची भाजपची योजना अपयशी ठरलेली दिसते.
राष्ट्रवादीच्या आमदारांच्या मोठ्या गटाची फूट पाडून अजित पवार पक्ष सोडतील, अशी भाजपची भावना आहे.

राष्ट्रवादी कॉंग्रेसचे अध्यक्ष शरद पवार यांच्याकडे केवळ 7-8 आमदार शिल्लक राहतील, अशा परिस्थितीत मुख्यमंत्री उद्धव ठाकरे यांचे सरकार अल्पसंख्यांक असेल आणि राष्ट्रवादी कॉंग्रेसच्या बंडखोरांच्या मदतीने भाजप विधानसभेत सरकार स्थापन करेल. मात्र सध्याच्या परिस्थितीत राष्ट्रवादी कॉंग्रेस फुटण्याची शक्यता तशी खूप धूसर झालेली आहे. असे वृत्त “दिव्य भास्कर” या गुजराती दैनिकाने प्रकाशीत केलेले आहे. मात्र यामुळे राज्याच्या राजकारणात खळबळ उडालेली असून सत्तासमीकरणाच्या विविध चर्चांना उधाण आलेले आहे.

शरद पवार- अमित शाह भेट निव्वळ अफवा -नवाब मलिक

शरद पवार आणि प्रफुल्ल पटेल हे अहमदाबादमधून थेट मुंबईला आले. ते कोणालाही भेटले नाहीत. मात्र, आता “दिव्य भास्कर” या गुजराती दैनिकात त्यांनी अमित शाह यांची भेट घेतल्याची बातमी आली आहे. हे भाजपचे षडयंत्र आहे. शरद पवार यांनी अमित शाह यांची भेट घेतल्याची बातमी निव्वळ अफवा आहे, असे राष्ट्रवादी काँग्रेसचे प्रवक्ते नवाब मलिक यांनी ‘टीव्ही 9 मराठी’शी बोलताना स्पष्ट केलेले आहे.
तसेच गृहमंत्री अनिल देशमुख हे अपघातातून गृहमंत्री बनल्याचाची टिका “सामना“तून करण्यात आल्याच्या वृत्तावर नवाब मलिक म्हणाले की, राष्ट्रवादीच्या कोअर कमेटीने केलेल्या चर्चेतून आणि घेतलेल्या अंतिम निर्णयानुसारच अनिल देशमुख हे गृहमंत्री बनलेले आहे.

Show More

Related Articles

Back to top button
error: Content is protected !!
Close
Close

Adblock Detected

Its Sorry to say Please help to stop adblock and disable it Please.