भुसावळ – नगरपरिषदेची निवडणूक आता रंगतदार वळणावर आलेली असून प्रभाग क्रमांक 9 मधील भाजपचे उमेदवार युवराज दगडू लोणारी आणि पुनम वसंत पाटील यांच्या निवडणूक प्रचार कार्यालयाचे उद्घाटन आज नगराध्यक्षपदाच्या भाजपा -शिवसेना- रिपाई महायुतीच्या उमेदवार सौ.रजनी संजय सावकारे यांनी फित कापून केलेले आहे.
दरम्यान ,याप्रसंगी प्रभाग क्रमांक 9 मधील महिला व पुरुषांसह शेकडो मतदारांचा मोठा जनसमुदाय प्रचार मिरवणुकीत सहभागी होता. यामुळे प्रभागात नवचैतन्याचे वातावरण निर्माण झालेले आहे. तसेच घरोघरी नगराध्यक्ष पदाच्या उमेदवार रजनी सावकारे यांचे उमेदवारांचे महिलांनी औक्षण करून स्वागत केलेले आहे. प्रभागातील प्रत्येक गल्लीत नगराध्यक्षपदाच्या उमेदवार रजनी सावकारे यांना मतदारांकडून उदंड प्रतिसाद मिळालेला दिसून येत आहे.
