उद्या भुसावळात राज्यपाल सी.पी.राधाकृष्णन यांचे आगमन, रेल्वे क्रीडा मैदानावर होणार कार्यक्रम

जळगाव, दिनांक-07/01/2024,महाराष्ट्राचे राज्यपाल सी.पी. राधाकृष्णन हे बुधवार 08 जानेवारी रोजी जळगाव जिल्हा दौऱ्यावर येत असून त्यांचा दौरा कार्यक्रम पुढील प्रमाणे आयोजित करण्यात आला आहे.
बुधवार, दि. 08 जानेवारी,2025 रोजी सकाळी 09.15 वाजता जळगाव विमानतळ येथे आगमन व मोटारीने कवयित्री बहिणाबाई चौधरी उत्तर महाराष्ट्र विद्यापीठाकडे प्रयाण, सकाळी 09.45 वाजता कवयित्री बहिणाबाई चौधरी उत्तर महाराष्ट्र विद्यापीठ येथे आगमन, सकाळी 10.00 ते 11.05 वाजेपर्यंत कवयित्री बहिणाबाई चौधरी, उत्तर महाराष्ट्र विद्यापीठ, जळगाव यांच्या 33 व्या दीक्षांत समारंभाच्या अध्यक्षस्थानी उपस्थिती, सकाळी 11.05 वाजता कवयित्री बहिणाबाई चौधरी उत्तर महाराष्ट्र विद्यापीठ, जळगाव येथून मोटारीने डॉ. उल्हास पाटील मेडिकल कॉलेज कडे रवाना, सकाळी 11.30 वाजता राज्यपालांचे डॉ. उल्हास पाटील मेडिकल कॉलेज येथे आगमन, डॉ. उल्हास पाटील मेडिकल कॉलेज आयोजित कार्यक्रमाला सकाळी 11.30 ते 12.10 वाजेपर्यंत उपस्थिती, दुपारी 12.10 वाजता डॉ. उल्हास पाटील मेडिकल कॉलेज, जळगाव येथून मोटारीने रेल्वे स्पोर्ट्स ग्राउंड, भुसावळ येथील कार्यक्रमासाठी
रवाना, दुपारी 12.30 वाजता रेल्वे क्रीडा मैदान,भुसावळ येथे आगमन होणार आहे. अनेक वर्षांनंतर भुसावळ शहरात महाराष्ट्राचे राज्यपाल हे एखाद्या कार्यक्रमानिमित्त उपस्थित राहणार असल्याने याबाबत उत्सुकता वाढलेली आहे.
              दुपारी 12.30 ते दुपारी 1.20 वाजेपर्यंत राज्यपालांच्या हस्ते रेल्वे स्पोर्ट्स ग्राउंड येथे नवीन सिंथेटिक ट्रॅकचे उद्घाटन, ट्रॅक मेंटेनर्स आणि ‘हॉस्पिटल ऑन व्हील’चा सत्कार, दुपारी 1.20 ते दुपारी 3.00 राखीव, दुपारी 3.00 वाजता रेल्वे क्रीडा मैदान, भुसावळ विभाग, भुसावळ येथून मोटारीने  जळगाव विमानतळाकडे रवाना, दुपारी 3.40 वाजता जळगाव विमानतळ येथे आगमन व दुपारी 3.45 वाजता शासकीय विमानाने प्रयाण.