भुसावळ – नगरपरिषदेची निवडणूक आता रंगतदार वळणावर आलेली असून प्रभाग क्रमांक ८ ‘अ’ मधून नगरसेवक पदासाठी भाजपच्या उमेदवार अनिता सतिश सपकाळे यांनी उमेदवारी अर्ज दाखल केलेला असून त्यांची निशाणी घेऊन ते मतदारांपुढे आर्शिवाद घ्यायला जात आहे. प्रभाग क्रमांक ८ मधील बहुसंख्य महिला व पुरुष उमेदवारांनी त्यांच्या सोबत प्रचार मिरवणुकीत स्वयंस्फूर्तीने सहभाग घेतला आहे. भुसावळचे आमदार तथा वस्त्रोद्योग मंत्री संजय सावकारे यांच्या निधीच्या माध्यमातून आणि समाजसेवक सतिश सपकाळे यांच्या संकल्पनेतून प्रभाग क्रमांक ८ मध्ये अंदाजे 18 कोटी रुपयांची विकासकामे पूर्ण करण्यात आलेली आहे.तसेच अजूनही अनेक विकास कामे प्रगतीपथावर असून त्याच जोरावर मतदारांपुढे आर्शिवाद घ्यायला जात असून आपल्या विजयाचा ठाम विश्वास उमेदवार अनिता सतिश सपकाळे यांनी व्यक्त केला आहे.
दरम्यान ,याप्रसंगी प्रभागातील प्रतिष्ठित शेकडो नागरिक, महिला व पुरुषांसह शेकडो मतदारांचा मोठा जनसमुदाय प्रचार मिरवणुकीत स्वयंस्फूर्तीने सहभागी होत आहे. भाजपच्या अनिता सतिश सपकाळे यांच्या उमेदवारीमुळे या प्रभागातील मतदारांमध्ये नवचैतन्याचे वातावरण निर्माण झालेले आहे.
तसेच उमेदवार अनिता सतिश सपकाळे यांचे घरोघरी महिलांनी औक्षण करून जोरदार स्वागत केलेले आहे. यावेळी उमेदवार अनिता सतिश सपकाळे यांनी मतदारांच्या समस्या जाणून घेतलेल्या आहेत. तसेच सर्व प्रलंबित समस्या सोडविण्यासाठी सदैव कटिबद्ध असल्याचे सांगितले आहे. प्रभागातील प्रत्येक गल्लीत नगराध्यक्षपदाच्या उमेदवार सौ. रजनी संजय सावकारे यांनाही एक मत देण्यासाठी आवाहन करण्यात आलेले असून, मतदारांकडून याला उदंड प्रतिसाद मिळालेला दिसून येत आहे.
