भुसावळात विवाहित महिलेच्या डोक्यात अज्ञात वस्तूने वार,महिलेचा जागीच संशयास्पद मृत्यू

भुसावळ दि-२९/१०/२०२४ , एकीकडे भुसावळ तालुक्यात विधानसभा निवडणुकांची जोरदार धामधूम सुरू असताना एका तरूण विवाहित महिलेच्या डोक्यात अज्ञात प्राणघातक वस्तूने डोक्यावर वार केल्याची घटना आज दुपारी ४ वाजेच्या सुमारास भुसावळात घडल्याने मोठी खळबळ उडालेली आहे. या घटनेत सदरील महिलेचा जागीच संशयास्पद मृत्यू झालेला आहे.
    वर्षा अक्षय गुंजाळ ( वय 22) असे संशयास्पद मृत्यू झालेल्या महिलेचे नाव असून त्या द्वारकानगर , डॉ बाबासाहेब आंबेडकर हायस्कूलच्या मागे त्यांच्या आजीकडे तात्पुरत्या रहिवासी म्हणून आलेल्या होत्या. ऐन विधानसभा निवडणुकीत आणि दिवाळीच्या धामधुमीत तरुण विवाहितेचा डोक्यावर अज्ञात धारदार वस्तूने वार करून तिचा संशयास्पद मृत्यू झाल्याने भुसावळ शहरात मोठी खळबळ उडालेली आहे.
    या प्रकरणी मयत महिलेचे पती अक्षय आप्पासाहेब गुंजाळ (वय 26) रा. मुंबई यांचे त्यांच्या या मयत झालेल्या पत्नीशी तिच्या आजी रंजना प्रकाश यशोदे यांच्या घरी वास्तव्यास असताना जोरदार कौटुंबिक वाद झाल्याची माहिती समोर आलेली आहे. भुसावळ शहर पोलीस ठाण्याचे पथक या घटनेचा पुढील तपास करत आहे.