महामानव डॉ बाबासाहेब आंबेडकर व मंत्री सावकारे यांच्याबाबत अवमानजनक वक्तव्य करणाऱ्यावर कठोर कारवाई करा: चर्मकार विकास संघाची मागणी

जळगाव ,दि-07/07/25 रोजी फेसबुक लाइव्ह द्वारे डोंबिवली येथील माथेफिरू भूषण पाटील भारतरत्न तथा संविधानाचे शिल्पकार महामानव डॉ.बाबासाहेब आंबेडकर तसेच महाराष्ट्र राज्याचे वस्त्रोद्योग मंत्री नामदार श्री संजयजी सावकारे यांचा जातीवाचक उल्लेख करून अवमान केला, तसेच येवती तालुका बोदवड येथील चर्मकार समाज बांधव श्री.अमोल आनंदा बाविस्कर यास उधारीचे पैसे मागितल्यावरून तेथील रहिवासी श्री. ज्ञानेश्वर पाटील मंगला पाटील कमला पाटील ह्या एकाच कुटुंबातील लोकांनी अमोल यास रात्री शिवीगाळ करून जातीवाचक शब्द वापरून अवमान केला तसेच जिवंत मारण्याची धमकी दिली या घटनेबद्दल चर्मकार विकास संघ जिल्हा जळगाव तीव्र निषेध करत असून संबंधितांवर कठोर कारवाईची मागणी करीत आहे. या मागणीचे निवेदन सोमवार दिनांक 7 जुलै रोजी दुपारी माननीय जिल्हाधिकारी आयुष प्रसाद साहेब व जिल्हा पोलिस अधीक्षक डॉ.रेड्डी यांना चर्मकार विकास संघाच्या पदाधिकारी यांनी दिले.

या वेळेस चर्मकार विकास संघाचे राज्य कार्यकारिणी सदस्य श्री.विश्वनाथभाऊ सावकारे,जिल्हाध्यक्ष अँड.श्री अर्जुन भारुडे,सचिव प्रा.धनराज भारुळे,कार्याध्यक्ष श्री.राजेश वाडेकर ,नाशिक विभाग अध्यक्ष श्री.मनोजभाऊ सोनवणे,ज्येष्ठ मार्गदर्शक श्री.काशिनाथ इंगळे,श्री.बाळकृष्ण खिरोळे,श्री. रतीराम सावकारे,श्री.प्रकाश रोजतकर,श्री.उमाकांत भारुळे सर,श्री.लिलाधर भारुळे सर,प्रा.संदीप शेकोकार ,प्रा. रवी नेटके,श्री.रिझायनर घुले आदि उपस्थित होते.