मध्य रेल्वेचे महाव्यवस्थापक यांनी नवीन डिजिटल ॲसेट मॅनेजमेंट प्रणाली – सुगम रेल आणि रेल-अर्थ डिजिटल ॲप्सचे उद्घाटन केले

भुसावळ -श्री धर्म वीर मीना मध्य रेल्वेचे महाव्यवस्थापक यांनी अलीकडेच मालमत्ता व्यवस्थापनासाठी सुगम रेल आणि रेल-अर्थ या दोन डिजिटल अनुप्रयोगांचे (ॲप्सचे) उद्घाटन केले. ही अनुप्रयोगं (ॲप्स) अंतर्गत पातळीवर विकसित करून मध्य रेल्वेच्या आधुनिकीकरण उपक्रमाचा एक भाग म्हणून विद्युत विभागामार्फत श्री अनुप कुमार अग्रवाल, प्रधान मुख्य विद्युत अभियंता, मध्य रेल्वे यांच्या मार्गदर्शनाखाली सुरू करण्यात आली आहेत. ही अनुप्रयोगे (ॲप्स) पारंपरिक कागदाधारित प्रक्रिया संपवून केंद्रीकृत, डेटा-आधारित मालमत्ता व्यवस्थापन प्रणाली उपलब्ध करून देतील, ज्यामुळे संपूर्ण रेल्वे नेटवर्कमध्ये सुरक्षा आणि विश्वासार्हता वाढेल. श्री प्रतीक गोस्वामी, अतिरिक्त महाप्रबंधक ; श्री अनुप कुमार अग्रवाल, प्रधान मुख्य विद्युत अभियंता ; प्रधान विभागप्रमुख आणि मध्य रेल्वेचे वरिष्ठ अधिकारीही यावेळी उपस्थित होते.

संक्षेप – सुगम रेल आणि रेल-अर्थ
सुगमरेल: लिफ्ट आणि एस्केलेटरसाठी:
सुगम रेल हे एस्कलेटर आणि लिफ्टच्या देखभाल व बिघाड विश्लेषणासाठी तयार केलेली एक सर्वसमावेशक मालमत्ता व्यवस्थापन प्रणाली आहे. हे प्लॅटफॉर्म पूर्णपणे कागदविरहित असून देखभाल वेळापत्रकं आणि तपासणी अहवालांचे डिजिटायझेशन करते.
प्रोॲक्टिव्ह मेंटेनन्स: ही प्रणाली वारंवार होणाऱ्या बिघाडांबाबत आणि देखभालीची नियोजित मुदत चुकल्यास त्वरित अलर्ट पाठवते, ज्यामुळे वेळेत लक्ष दिले जाऊन उच्च दर्जाचे अनुपालन सुनिश्चित होते.
परफॉर्मन्स इन्साईस: ही प्रणाली प्रत्येक मालमत्तेनुसार आणि बिघाडाच्या कारणानुसार सविस्तर विश्लेषण प्रदान करते. मालमत्तेची विश्वासार्हता तपासण्यासाठी मीन टाइम बिटविन फेल्युअर्स (एमटीबीएफ) आणि मेंटेनन्स कंप्लायन्स रेट यासारखे मुख्य कार्यक्षमता निर्देशक (केपीआय) वापरले जातात.
सेंट्रलाईझ मॉनिटरिंग: रोल-आधारित प्रवेश नियंत्रण प्रणाली प्रत्येक स्तरावर – डेपोपासून मुख्यालयापर्यंत – मालमत्तेची स्थिती (गंभीर, लक्ष देण्याची गरज, बिघाड) रिअल-टाइममध्ये निरीक्षण करण्यास सक्षम करते.
सुगम रेल अनुप्रयोग (ॲप्स)अनेक फायदे प्रदान करतात, त्यामध्ये समाविष्ट आहेत –
प्रवाशांचा अनुभव वाढवला: सुगम रेल एस्केलेटर आणि लिफ्टचे सुरळीत आणि सतत ऑपरेशन सुनिश्चित करते, प्रवाशांना, विशेषतः ज्येष्ठ नागरिक, आजारी व्यक्ती, गर्भवती महिला आणि शारीरिकदृष्ट्या अपंग व्यक्तींना सोयीस्कर आणि त्रासमुक्त अनुभव प्रदान करते.
बिघाडांमध्ये घट: सुगम रेलद्वारे नियमित देखरेखीमुळे संभाव्य समस्या ओळखता येतात, ज्यामुळे बिघाड होण्याची शक्यता कमी होते आणि वेळेवर देखभाल सुनिश्चित होते.
जलद समस्यानिवारण: बिघाड झाल्यास, सुगम रेल एस्केलेटर आणि लिफ्टचे जलद समस्या निवारण आणि पुनर्संचय सुनिश्चित करते, ज्यामुळे डाउनटाइम आणि प्रवाशांना होणारा त्रास कमी होतो.
सुधारित देखभाल: हा अनुप्रयोग (ॲप्स) सक्रिय देखभाल सक्षम करते, नियोजित दुरुस्तीसाठी परवानगी देते त्यामुळे अनपेक्षित बिघाडांचा धोका कमी करते.
वाढलेली सुलभता: एस्केलेटर आणि लिफ्टच्या विश्वासार्ह कार्यक्षमतेची खात्री करून, सुगम रेल सर्व प्रवाशांसाठी, विशेषतः गतिशीलतेच्या
समस्या असलेल्या प्रवाशांसाठी सुलभता आणि समावेशकतेला प्रोत्साहन देते.
सर्वसाधारणपणे, सुगम रेल रेल्वे प्रणालीला अधिक कार्यक्षम, विश्वासार्ह आणि प्रवासी अनुकूल बनवण्यास मदत करते.
रेल-अर्थ: इलेक्ट्रिकल अर्थिंग पिट्ससाठी
रेल-अर्थ हे रेल्वेच्या विद्युत अर्ध-ग्राउंडिंग पिट्सचे व्यवस्थापन पारंपरिक पद्धतीतून केंद्रीकृत, डेटा-आधारित ऑपरेशनमध्ये रूपांतरित करते. प्रत्येक पिट्सला एक अद्वितीय क्रमांक दिला जातो, ज्यामुळे कर्मचारी स्थानक, संबंधित मालमत्ता आणि तपासणी इतिहास यासह माहिती सहज मिळवू शकतात.
सुरक्षा अलर्ट: हा अनुप्रयोग अस्वस्थ पिट्स (प्रतिरोध ≥ 5Ω), विलंबित तपासण्या आणि कधीही तपासल्या नसलेल्या पिट्ससाठी त्वरित अलर्ट प्रदान करतो.
सुलभ अहवाल प्रणाली: हे कार्यक्षम नियोजन आणि अहवाल सादरीकरणास मदत करते, ज्यात अनिवार्य पूर्व-मॉनसून अनुपालन अहवाल देखील समाविष्ट आहे, ज्यामुळे वेळेवर सुरक्षा तपासण्या सुनिश्चित होतात.
वाढलेली जबाबदारी: हा डिजिटल प्लॅटफॉर्म सुरक्षा सुनिश्चित करण्यासाठी अधिक जबाबदारी आणि प्रोॲक्टिव्ह दृष्टिकोन प्रदान करतो.
रेल्वे अर्थिंगमुळे अनेक फायदे मिळतात, ज्यात समाविष्ट आहे.
वाढलेली सुरक्षितता: रेल-अर्थ अर्थिंगमुळे जनतेला आणि कर्मचाऱ्यांना विद्युत धक्क्याचा धोका टाळता येतो, ज्यामुळे सुरक्षित कार्यपरिसर सुनिश्चित होतो.
जोखीम कमी करणे: योग्य अर्थिंग कनेक्शनमुळे विद्युत अपघाताचा धोका कमी होतो आणि लोकांना संभाव्य हानीपासून संरक्षण मिळते.
विद्युत प्रणालींचे संरक्षण: रेल-अर्थ अर्थिंगमुळे विद्युत प्रणाली आणि उपकरणांचे नुकसान टाळता येते, ज्यामुळे डाउनटाइम आणि देखभाल खर्च कमी होतो.
सुरक्षा नियमांचे पालन: रेल-अर्थ अर्थिंग अंमलात आणल्यास विद्युत सुरक्षा निकष आणि नियमांचे पालन सुनिश्चित होते, तसेच संस्थेत सुरक्षा संस्कृतीला प्रोत्साहन मिळते.
विद्युत शॉक प्रतिबंध: रेल अर्थिंगमुळे विद्युत प्रवाह जमिनीवर वाहण्यासाठी सुरक्षित मार्ग मिळतो, ज्यामुळे विद्युत शॉक टाळता येतात आणि व्यक्तींचे रक्षण सुनिश्चित होते.
रेल्वे अर्थिंगला प्राधान्य देऊन, संस्था सुरक्षित आणि विश्वासार्ह विद्युत पायाभूत सुविधा सुनिश्चित करू शकतात, ज्यामुळे लोक आणि उपकरणे दोघांचेही संरक्षण होते.
सुगम रेल आणि रेल-अर्थ हे दोन्ही अनुप्रयोग मध्य रेल्वेसाठी तंत्रज्ञानाचा उपयोग करून कार्यक्षमतेत सुधारणा, सुरक्षा आणि विद्युत साधनांच्या देखभालीसाठी अधिक विश्वासार्ह प्रवास सुनिश्चित करण्याच्या दृष्टीने एक महत्त्वपूर्ण पाऊल ठरतात.