नरेंद्र मोदींनी केलेल्या कथीत ‘हेटस्पीच’ प्रकरणी कारवाईची याचिका सुप्रीम कोर्टाने फेटाळली

नवी दिल्ली,दि:14-मे, लोकसभा निवडणुकीच्या प्रचारादरम्यान पंतप्रधान नरेंद्र मोदी आणि केंद्रीय मंत्री अनुराग ठाकूर यांनी कथित द्वेषयुक्त भाषणांविरोधात (Hate speech) कारवाईसाठी भारतीय निवडणूक आयोगाला (ECI) निर्देश देण्याची मागणी करणारी रिट याचिका सर्वोच्च न्यायालयाने आज मंगळवारी फेटाळून लावलेली आहे.

PM मोदी यांनी 21.04.2024 रोजी आणि केंद्रीय माहिती आणि प्रसारण मंत्री आणि युवा व्यवहार आणि क्रीडा मंत्री श्री अनुराग सिंह ठाकूर यांनी 27.04.2024 रोजी दिलेल्या भाषणांचा उल्लेख केला आहे. वृत्तानुसार, भाजपच्या अधिकृत हँडल आणि विद्यमान खासदार अरविंद धर्मपुरी यांनी इन्स्टाग्राम आणि ट्विटर सारख्या वेगवेगळ्या सोशल मीडिया प्लॅटफॉर्मवर ही भाषणे वारंवार पोस्ट केली होती.

माजी आयएएस अधिकारी ईएएस सरमा आणि आयआयएमचे माजी डीन त्रिलोचन शास्त्री यांनी दाखल केलेल्या याचिकेवर न्यायमूर्ती विक्रम नाथ आणि सतीश चंद्र शर्मा यांच्या खंडपीठासमोर सुनावणी झाली. याचिकाकर्त्यांची बाजू मांडणारे ज्येष्ठ वकील संजय हेगडे यांनी निदर्शनास आणून दिले की 2019 मध्ये न्यायालयाने अशीच याचिका स्वीकारली होती आणि निवडणूक आयोगाचा प्रतिसाद मागितला होता. मात्र, निवडणूक आटोपल्यानंतर ते प्रकरण निकाली काढण्यात आले.