भुसावळ – नगरपरिषदेच्या नुतन लोकनियुक्त नगराध्यक्षा सौ.गायत्री चेतन भंगाळे यांनी आज त्यांच्या नगराध्यक्ष पदाचा पदभार स्वीकारलेला आहे. याप्रसंगी त्यांच्यासोबत माजी आमदार संतोषभाऊ चौधरी, राष्ट्रवादी काँग्रेस शरदचंद्र पवार गटाचे नगरसेवक उल्हास पगारे यांचेसह इतर विद्यमान नगरसेवकांसह माजी नगरसेवक व कार्यकर्ते उपस्थित होते.
पाणी प्रश्न सोडविणार – नगराध्यक्षा
भुसावळ शहरातील रखडलेले विविध प्रकारचे विकास कामे मार्गी लावण्यासाठी प्रयत्नशील असल्याचे नगराध्यक्षा गायत्री भंगाळे यांनी म्हटलेलं आहे.
ट्वेंटी ट्वेंटीचा सामना खेळणार – संतोषभाऊ चौधरी
भुसावळच्या रखडलेल्या विकास कामांना प्राधान्य देण्यात येणार असून, त्यासाठी उद्यापासूनच ट्वेंटी ट्वेंटीचा सामना खेळणार असल्याची प्रतिक्रिया माजी आमदार संतोषभाऊ चौधरी यांनी दिली आहे.
यावेळी मुख्याधिकारी राजेंद्र फातले यांनी नगराध्यक्षा गायत्री भंगाळे यांचे पुष्पगुच्छ देऊन स्वागत केले. यावेळी नगराध्यक्षांनी अधिकाऱ्यांकडून नगरपरिषदेच्या विविध विभागांची कार्यपद्धती समजून घेतली. यावेळी नगराध्यक्षा गायत्री भंगाळे यांचे सासरे नारायण भंगाळे,पती चेतन भंगाळे हे देखील यावेळी उपस्थित होते.
दरम्यान , नगरपरिषदेचे मुख्याधिकारी राजेंद्र फातले, उपमुख्याधिकारी परवेझ अहमद,कार्यालय अधिक्षक वैभव पवार, यांच्यासह इतर अधिकारी व कर्मचारी उपस्थित होते.
